Гибралтар Футбол ассоциацияси (GFA) яқин вақтлардан бошлаб Европа футбол иттифоқи — УЕФА томонидан ўтказиладиган мусобақаларда иштирок этадиган бўлди. УЕФАнинг навбатдаги йиғилиши жарайнида ташкилот GFA га молиявий жиҳатдан кўмак беришга розилик билдирди. Бу ҳақда "Reuters" ахборот агентлиги хабар тарқатмоқда.

Британия қироллиги ҳамжиятига кирувчи Каталониянинг жанубий қисмида жойлашган 28 минг аҳоли истиқомат қилувчи Гибралтар мамлакати Европа футбол иттифоқи таркибига 54 аъзо давлат бўлиб киришга яқин бўлиб турибди.

Гибралтар 2007 йилда ҳам УЕФА тасарруфидаги мусобақаларда иштирок этиш учун ариза берган, бироқ фақатгина, Англия, Шотландия ва Уэльс мамлакатлари уларни аъзо давлат бўлиб киришига розилик билдиришганди. Испания томони эса, Гибралтарга рухсат бериладиган бўлса, барча қитъа турнирларида мамлакат қатнашмаслигини, УЕФАга бойкот эълон қилишини таъкидлаб ўтганди.

Қайд этиб ўтиш керак, Гибралтарнинг мусобақаларда иштирок этишига розилик бериш ишини спорт арбитраж суди ҳам ўрганиб чиқиши керак бўлади.

Эслатиб ўтамиз, Гибралтар терма жамоаси 2006 йилда ФИФАга аъзо бўлмаган давлатларнинг ўзига хос тузилган FIFI ташкилоти ташкил қилган турнирда Гренландия, Шимолий Кипр, Занзибар, Тибет, ва Гамбург тумани саналмиш Санкт-Паули терма жамоалари билан қаторида қатнашган ва мусобақада 3-ўринни банд этганди.

Таъкидлаб ўтиш жоиз, Гибралтарнинг суверинитетлиги Англия ва Испания ўртасидаги алоқаларга боғлиқ бўлиб қолган. 1967 ва 2002 йилларда ўтказилган рефенрендумда қатнашган  колонияда яшовчи фуқаролар икки маротаба ҳам Испания таркибида қолишга қарши овоз беришган.