"ПСЖ" ярим ҳимоячиси Рафинья Алкантара Испанияга учиб кетди ва у ерда тиббий кўрикдан ўтди. Яқин орада у "Реал Сосьедад" билан шартнома имзолайди, деб хабар беради Маrcа.
Манбага кўра, 28 ёшли бразилиялик футболчи ижара асосида "Реал Сосьедад"га ўтади.
Қайд этилишича, испан клуби ярим ҳимоячининг маошининг бир қисмини ижара муддати давомида тўлаб беради.
Жорий мавсумда Рафинья "ПСЖ" сафида бешта ўйинда қатнашди ва самарали ҳаракатлари билан ажралиб турмади. Ярим ҳимоячининг парижликлар клуби билан шартномаси 2023 йилнинг 30 июнига қадар тузилган. Трансфермаркт портали бразилиялик футболчининг нархини 12 миллион еврога баҳоламоқда.
