"Арсенал" футболчисига бошқа талабгор пайдо бўлди. Хабарларга кўра, "Ньюкасл" январь ойида "Арсенал" футболчиси Пьер-Эмерик Обамеянгни харид қилиши мумкин.
32 ёшли ҳужумчига "Барса" даъвогар сифатида қаралаётган эди. Аммо Хави жамоаси ёшроқ ҳужумчини харид қиладиган бўлди. Ферран Торрес Обамеянг ўрнига танланди.
Шу сабаб Обамеянгни "Арсенал" бошқа клубларга таклиф қилиб кўради. "Ньюкасл" энг бой клуб бўлишига қарамай, ҳозирда катта трансферлар қила олмайди.
Обамеянг нархи эса унча баланд эмас. Бор-йўғи 20 миллион фунт атрофида. Габонлик Эдди Хауга АПЛда қолиши учун ёрдам бера олади.
