"Торонто" "Торино" ҳужумчиси Андреа Белотти ҳизматларига қизиқиб қолган ва футболчи учун таклиф тайёрламоқда, дея хабар беради журналист Жанлука Ди Марцио. МЛС клуби Белоттининг туринликлар билан шартномаси 2022 йилнинг ёзида якунланишидан фойдаланмоқчи.
Манбанинг хабарига кўра, 27 ёшли ҳужумчи жорий мавсум якунида "Торино"ни тарк этишга қарор қилган.
Белотти 2021/22 йилги мавсумда Турин клуби сафида барча турнирларда 10 та ўйинда майдонга тушиб, 2 та гол урди ва битта голли узатмани амалга оширди.
Олдинроқ, "Наполи" ҳужумчиси Лоренцо Инсинье Канада клуби билан шахсий шартнома шартларини келишиб олганлиги хабар қилинган эди.
