«Барселона» қишки трансферлар ойнасида испаниялик ҳужумчи Алваро Моратани сотиб олиш учун голландиялик ҳужумчи Мемфис Депайни «Ювентус»га сотишга тайёр, деб хабар беради Goal.
Манбанинг хабарига кўра, Каталония клуби бош мураббийи Хави Эрнандеснинг шахсан ўзи Моратани сотиб олишни талаб қилмоқда.
Бироқ испанияликнинг трансфери амалга ошиши учун «Ювентус» унинг «Атлетико»даги ижарасини тўхтатиб қўйиши керак, шундан сўнг «Барселона» «матрасчилар» билан келишиб олишларига тўғри келади.
Жорий мавсум 27 ёшли Депай «Барселона» сафида барча турнирлар доирасида 21 та ўйин ўтказиб, 8 та гол урди ва 2 та голли узатмани амалга оширди.
