"Барселона" бош мураббийи Хави ярим ҳимоячи Усмон Дембеленинг жамоани тарк этиши эҳтимолидан хафа бўлган.
Diario Sport журналисти Тони Хуанмартининг хабар беришича, 20 декабрь куни футболчи билан шартномани узайтириш масаласи бўйича икки соатлик йиғилиш бўлиб ўтган.
Ўшанда вингерга Хави қўл остидаги жамоанинг асосий қисмига айланиши мумкинлигини айтишган. Дембеленинг ўзи "Барселона"да қолиш ва ўзини муҳим ўйинчи сифатида ҳис қилиш истагини билдирган.
Энди Хави ўзини алдангандек ҳис қилмоқда. Шу ҳафтада "Барселона" ва Дембеле ўртасидаги музокаралар барбод бўлгани ҳақда ҳабар берган эдик.
