«Интер» мухлислари Ромелу Лукакунинг кеча берган шов-шувли интервьюсига жавоб берди.
«Нерадзурри» мухлислари «Сан-Сиро» стадиони ёнига тўпланишиб, «Ёмғирдан қочганлар бизга керак эмас. Бўрон пайти қолганлар муҳим. Хайр Ромелу» деган баннерни кўтариб чиқишди.
Эслатиб ўтамиз, Лукаку 2021 йилнинг ёзида 115 миллион евро эвазига «Интер»дан «Челси»га ўтган эди.
Куни кеча ҳужумчи интервью бериб, «кўклар» лагеридаги ўйинидан норозилиги билан ўртоқлашди, шунингдек, Италия клубига бўлган муҳаббатини тан олиб, «Интер»дан кетганидан афсусда эканлигини айтди: «Бундай бўлмаслиги керак эди. «Интер» юрагимда, мен ҳали қайтиб келаман», — деганди Лукаку.
