Европа футболи учун 2022 йил энг ҳаяжонли воқеалардан бири - қишки трансфер ойнаси билан бошланади.
Кўплаб давлатлар учун қишки транфер ойнаси 2022 йилнинг 1 январь кунидан 31 январь санасигача давом этади. Жумладан, Англияда ҳам қишки трансфер ойнаси 1 январдан очиқ деб эълон қилинади. Германия ва Францияларда эса 2 январдан 1 феврлача давом этади. Испания ва Италияда эса қишки трансфер ойнаси 4 январь куни очилиб, 1 февраль куни ёпилади.
Бу йил сиз билан бизни қайноқ трансферлар кутмоқда. Килиан Мбаппе, Пауло Дибала, Лоренцо Инсинье, Усмон Дембеле, Гарет Бэйл, Дрис Мертенс, Златан Ибрагимович, Луис Суарес, Поль Погба, Антонио Рюдигер, Уго Льорис, Самир Ханданович ва бошқа кўплаб юлдуз футболчиларнинг олти ойдан сўнг ўз клублари билан амалдаги шартномалари якунига етади.
