Лондоннинг "Тоттенхэм" клуби мухлислари ниҳоят хурсанд бўлишлари мумкин.

Йиллар давомида футбол амалдорлари билан кураш олиб борган клуб раҳбарияти мухлисларга хушхабарни етказди. Янги йилдан бошлаб "шпорлар" раҳбарияти трибунада мухлисларнинг тик туришларига рухсат олди.

Бу тенденция Англия аста-секинлик билан машҳурликка эришмоқда. "Тоттенхэм" клубининг Англия Кубогидаги уч учрашувида (9 янваь) мухлислар белгиланган трибунада тик туриб ўз севимли жамоасини қўллаб-қувватлашлари мумкин.

Шунингдек, "Кардифф Сити", "Челси", "Манчестер Юнайтед" ва "Манчестер Сити" клубларининг уй стадионларида ҳам мухлислар учун тик ҳолда футбол учрашувини томоша қилиш учун махсус трибуналар мавжуд.

Бошқа клублар ҳам шу тарзда ўз мухлисларига кўпроқ эркинлик бериш устида иш олиб боришмоқда.

Авваллари Англия стадионларида қатъий талаб мавжуд эди: барча мухлислар трибуналарда ўтиришлари шарт эди.