«Реал» бош мураббийи Карло Анчелотти «Мальорка»га қарши Ла Лига навбатдаги ўйини олдидан «Барселона»даги вазият ҳақидаги саволга жавоб берди.
Олдинроқ каталонияликлар бош мураббийи Хави 17-18 нафар футболчи (улардан 9 нафарида коронавирус аниқланган) хизматларидан фойдалана олмаслигини айтганди ва ўйиннинг бошқа муддатга қолдирилиши масаласини кўтарган.
Анчелотти Хавининг фикрига қарши чиқди.
«Бу қийин савол. Мен ҳамманинг фикрини ҳурмат қиламан. Бунда протокол мавжуд. Ҳа, биз ўз фикримизни билдиришимиз мумкин, аммо протоколга риоя қилиш керак.
Протокол бўйича эса ўйнашингиз керак. Бу жуда адолатли бўлади. Биз ҳам коронавирус туфайли ўйнамадик, бу адолатли. Ўйинларни қолдиравериш тақвимга салбий таъсир қилади.
Пандемия назорат остида. Шундай дейдиган олимларнинг фикрларига қулоқ тутаман. Биз ўйнашда давом этишимиз керак», - дейди Анчелотти.