«Реал Мадрид» бош мураббийи Карло Анчелотти жамоанинг украиналик дарвозабони Андрей Лунин ҳақида гапирди.

«Унинг асосий таркибда ўйнашга етарлича асослари йўқ. Чунки ҳозирда таркибимизда дунёнинг биринчи рақамли дарвозабони ўйнамоқда. Мен буни тушунаман, Луниннинг ўзи ҳам тушунади.

У жуда кўп ижобий фазилатларга эга, ҳали унинг муваффақиятга эришишига ишонаман», - дейди Анчелотти.

Аввалроқ украиналик дарвозабонга «Ньюкасл Юнайтед», «Лилль», «Эспаньол», «Гранада» ва Дортмунднинг «Боруссия» клублари қизиқиш билдираётгани ҳақида хабар берилганди.