"Ювентус" қишки трансфер ойнасида янги марказий ҳужумчини сотиб олишни режалаштирмоқда.
"La Gazette Dello Sport" хабарига кўра, италиян клуби "Барселона"га ўтмоқчи бўлган Альваро Моратани қўйиб юборишга тайёр. Бунинг амалга ошиши учун "Ювентус" янги ҳужумчи билан шартнома имзолаши керак.
Ёзда клуб "Фиорентина" ҳужумчиси Душан Влахович ёки "Сассуоло" ҳужумчиси Жанлука Скамаккани таклиф қилмоқчи.
Шунингдек, "кекса синьора" ПСЖ ҳужумчиси Мауро Икардини сотиб олиш мажбуриятисиз ижарага олишга тайёр. Франция клуби эса бу таклифга рад жавобини берди. “Манчестер Юнайтед” ҳужумчиси Эдинсон Кавани бўйича ҳам музокаралар қийин кечмоқда. Бундан ташқари, "Юве" "Арсенал" ҳужумчиси Пьер-Эмерик Обамеянгга қизиқиш билдирмоқда.
“Барселона” ҳужумчиси Мемфис Депай ва “Марсель” форварди Аркадиуш Милик энг оҳириги вариант.
"Ювентус" Икарди ва Кавани борасида музокараларни давом эттиради. Агар улардан бири шартнома имзолай олмаса, Мората клубда қолади.
