"Милан" футболчилари Кевин-Принс Боатенг, Алессандро Неста ва Марк ван Боммель жароҳатларидан фориғ бўлиб, бугун "Рома"га қарши ўйинга тайёр бўлиб туришибди, дея хабар қилмоқда Football Italia.
Бироқ, миланликларнинг лазарети ҳануз тўлалигича қолмоқда. Макси Лопес, Алешандре Пато, Филиппо Индзаги, Родни Штрассер, Игнасио Абате, Антонио Кассано ва Матье Фламинидек футболчилар ҳамон жароҳатларини даволаш билан банд.
Тошкент вақти билан 22:00 да бошланувчи "Рома"га қарши ўйинни дисквалификация туфайли чап қанот ҳимоячиси Лука Антонини ўтказиб юборади.
