"Лилль" ҳимоячиси Свен Ботман фаолиятини "Милан"да давом эттириши мумкин, дея хабар беради "Sky Sports Italia".
Манбанинг хабарига кўра, миланликлар 21 ёшли ҳимоячини 2022 йилнинг қиш мавсумидаги асосий трансфер мақсади сифатида белгилаган. Футболчининг трансферига унинг нархи муаммо бўлиши мумкин: "Лилль" Ботман учун 20 миллион эвро сўрамоқда. "Милан" футболчини ижарага олмоқчи. Шунингдек, футболчига "Ньюкасл" ҳам қизиқмоқда.
Нидерландиялик футболчининг “Лилль” билан амалдаги шартномаси 2025 йилнинг 30 июнига қадар амал қилади. Transfermarkt.ru портали футболчини 28 миллион еврога баҳоламоқда.
2021/22 йилги мавсумда Ботман жамоа учун барча турнирларда 16 та ўйин ўтказиб, битта гол урди ва битта голли узатмани амалга оширди.
