"Lill" himoyachisi Sven Botman faoliyatini "Milan"da davom ettirishi mumkin, deya xabar beradi "Sky Sports Italia".
Manbaning xabariga ko‘ra, milanliklar 21 yoshli himoyachini 2022 yilning qish mavsumidagi asosiy transfer maqsadi sifatida belgilagan. Futbolchining transferiga uning narxi muammo bo‘lishi mumkin: "Lill" Botman uchun 20 million evro so‘ramoqda. "Milan" futbolchini ijaraga olmoqchi. Shuningdek, futbolchiga "Nyukasl" ham qiziqmoqda.
Niderlandiyalik futbolchining “Lill” bilan amaldagi shartnomasi 2025 yilning 30 iyuniga qadar amal qiladi. Transfermarkt.ru portali futbolchini 28 million yevroga baholamoqda.
2021/22 yilgi mavsumda Botman jamoa uchun barcha turnirlarda 16 ta o‘yin o‘tkazib, bitta gol urdi va bitta golli uzatmani amalga oshirdi.
