Бугун "Челси" бош мураббийи Томас Тухель яна ҳужумчи Ромелу Лукаку билан гаплашади.

Журналист Фабрицио Романо ёзганидек, яқин соатларда Тухель ва Лукаку ўртасида учрашув бўлиб ўтади. Мураббий футболчи билан унинг интервьюлари, ҳис-туйғулари ва хатти-ҳаракатларини муҳокама қилади. Улар ечим топишга ҳаракат қилишади.

"Челси" ҳозирги вазиятни изоҳламаяпти, чунки улар Тухелнинг қарорини кутишмоқда. Лондон клуби футболчини январь ойида уни сотиш ёки ижарага бериш ниятида эмас.

Жорий мавсумда 28 ёшли футболчи Лондон клуби сафида барча турнирларда 18 та ўйинда майдонга тушиб, 7 та гол урди.