Италиянинг «Рома» клуби бош мураббийи Жозе Моурино «Тоттенхэм»нинг франциялик ярим ҳимоячиси Тангай Н'Домбелени жамоага таклиф қилмоқчи. Мутахассис ва футболчи инглиз клубида бирга ишлаган. Бу ҳақда Corriere Dello Sport нашри хабар берди.

25 ёшли Н'Домбеле 2019 йилда 60 миллион евро эвазига «Лион»дан инглиз клубига ўтган эди. Моуриньо қўл остида франциялик футболчи барча турнирларда 57 та ўйинда иштирок этиб, 5 та гол урди ва 6 та голли узатмани амалга оширди.

Жорий мавсумда Н'Домбеле 14 ўйинда 2 та гол урди ва голли узатмани амалга оширди. Футболчининг бозор қиймати 38 миллион еврога баҳоланмоқда.