Лондоннинг "Челси" клуби ҳужумчиси Ромелу Лукаку ўз жамоасида провоция уюштиришда давом этмоқда, бу сафар ижтимоий тармоқлар орқали "чиқиш" қилди.
Эслатиб ўтамиз, Лукаку "Интер" ҳақидаги шов-шувли интервьюсидан кейин "Челси" клуби бош мураббийи Томас Тухель бельгиялик футболчини "Ливерпул"га қарши бўлиб ўтган учрашувнинг қайдномасига киритмаганди.
"Кўклар" кеча "Стэмфорд Бридж"да чемионатдаги асосий рақиблари билан курашиш учун бор эътиборини қаратган бўлса, Лукаку эса бутунлай бошқа жамоа ҳақида ўйлаётганди.
Лукаку ўзининг "Фейсбук"даги саҳифасини янгилаб, "биография" деган жойига "Интер" жамоасини белгилаб қўйди.
28 ёшли бельгиялик ҳужумчининг бу қилмиши ижтимоий тармоқларда кенг норозиликка сабаб бўлди.
