Германия терма жамоаси собиқ футболчиси Филипп Лам Ҳалқаро спорт ташкилотларининг нотўғри иш олиб бораётганини кескин қоралади. Унинг фикрича, бугунги кунда сиёсат муайъян қарорлар қабул қилишда етакчи ўринларни эгаллайди.

«Спорт – бу сиёсат, Олимпиада ўйинлари Пекинда ўтказиляпти, футбол бўйича Жаҳон чемпионати эса Қатарда. Бу давлатларнинг муаммолари ҳам ҳамма билади. Мен Германияда, демократик давлатда туғилганимдан хурсандман. Футболчилар қандайдир вазиятларни оммага етказа олишларига ишонаман. Улар – жамоатчилик одамлари ва бирор нарсага қаттиқ таъсир қилиш кучига эга. Ҳозир дунёга содда назар билан қарай олмайсиз», - деди Лам Германиянинг Tribuna портали билан суҳбатда.

Эслатиб ўтамиз, Қатар давлати бир неча маротаба инсон ҳуқуқларини бузгани учун танқид қилинган. Айрим давлатлар футбол федерациялари, жумладан, Дания футбол иттифоқи Жаҳон чемпионатини Қатарда ўтказилишига очиқчасига қаршилик қилиб чиққан.