“Барселона” вингери Усмон Дембеле ўзига янги иш излашга киришди. Маълум бўлишича, футболчи клуб билан шартномасини узайтирмасликка қарор қилган. Аввалроқ, франциялик футболчи Англия Премьер-лигаси вакиллари билан музокара бошлашдан аввал ПСЖдан таклиф бўлишини кутиш ниятида экани хабар қилинганди.
Испаниянинг “Mundo Deportivo” нашри хабарига кўра, парижликлар ҳақиқатдан ҳам футболчи учун шартнома тайёрлаб қўйишган. ПСЖ раҳбариятини Дембеленинг ёшлиги ва унинг Франция фуқаролиги ўзига жалб қилмоқда, бу эса Чемпионлар лигасига катта ёрдам беради.
Эслатиб ўтамиз, “Ньюкасл”, “Манчестер Юнайтед” ва “Ювентус” ҳам футболчи учун рақобатлашишга ҳаракат қилади.
