"Лилль" ярим ҳимоячиси Ренату Санчес фаолиятини Италияда давом эттириши мумкин. "Calciomercato" хабарига кўра, "россонерилар" 24 ёшли португалиялик билан шартнома имзолаш бўйича музокаралар олиб бормоқда.

Аввалроқ, Санчесга "Арсенал"дан ҳам қизиқиш борлиги ҳақида хабарлар тарқалган эди. Трансфермаркт футболчининг нархини 30 миллион еврога баҳоламоқда.

Санчес жорий мавсумда барча турнирларда 17 та ўйинда майдонга тушиб, битта гол ва битта голли узатмани амалга оширди. Амалдаги шартнома 2023 йилгача амал қилади.