"Ювентус" бош мураббийи Массимилиано Аллегри ярим ҳимоячи Аарон Ремзи тез орада Турин клубини тарк этишини айтди.
"Ремзи унга Англияда алоҳида машғулот ўтказиши учун бир неча кунлик таътил берганимиздан кейин яна сафга қайтди. Қандай бўлмасин, у бизни тарк этади", – деди мураббий.
Маълумот учун, Ремзи “Ювентус”га 2019 йилда келиб қўшилганди. Жорий мавсумда уэльслик футболчи А Серияда туринликлар сафида 3 та ўйин ўтказди, бироқ самарали ҳаракат амалга оширмади.