"Челси" Англия Лига кубоги ярим финалининг биринчи ўйинида "Тоттенхэм"ни мағлуб этди (2:0).
"Кўклар" бош мураббийи Томас Тухель "шпорлар"га қарши фаолияти давомида ўтказган бешта ўйинининг барчасида ғалаба қозонган. Умумий тўплар нисбати – 11:1.
2016 йилда унинг бошқарувидаги “Боруссия” Европа лигасининг 1/8 финалида "Тоттенхэм"ни икки ўйинда ҳам мағлуб қилганди – 3:0 ва 2:1.
Ўтган мавсумда Премьер-лигада унинг қўл остидаги "Челси" икки бор "шпорлар"ни таслим қилган – 1:0 ва 3:0.