"Сан Сиро"да Италия чемпионатининг 29-тур ўйинларига старт берилди. Биринчи таймда Освальдонинг голидан сўнг ҳисобда олдинга чиқиб олган меҳмонлар ғалабали ҳисобни ушлаб қола олмадилар.
Топдингиз, яна ўша Иброҳимович "Милан"нинг жонига оро кирди ва чемпионлик сари дадил қадамнинг асосий сабабчиси бўлди. У дастлаб пенальтини аниқ амалга оширди. Римликларнинг биринчи голига асиссентлик қилган Де Росси жарима майдони ичида қўлини тўпдан олиб қоча олмади ва ҳакам иккиланмай пенальти белгилади.
Иккинчи гол эса ҳақиқий шедевр бўлди. Дарвозабон билан бирга бир чиқиб борган Златан тўпни унинг устидан чиройли тарзда ошириб қўя қолди.
Шундай қилиб, "Милан" очколари сонини 63 тага етказиб олди ва туринликлар билан орадаги фарқ 7 та ни ташкил қилмоқда. "Ювентус"да битта ўйин кам ўтказган, улар эртага ўз майдонларида "Интер"ни қабул қиладилар.
МИЛАН – РОМА – 2:1 (0:1)
Голлар: Иброҳимович (53, пенальтидан, 83) – Освальдо (44)
МИЛАН: Аббьяти, Бонера, Силва (Дзамбротта, 10), Мексес, Эмануэлсон (К. Боатенг, 55), Ночерино, Мунтари, аш-Шаравий (Аквилани, 86), Месба, Амброзини, Иброҳимович.
РОМА: Стекеленбург, Маркиньо, Рози, Кьер, Хайнце, Гаго (Ламела, 80), Де Росси, Род. Таддеи, Борини (Пьянич, 57), Тотти (Боян, 57), Освальдо.
Огоҳлантиришлар: Освальдо (29), Иброҳимович (30), Хайнце (52), Месба (58), Мунтари (90).
