"Манчестер Юнайтед"нинг собиқ ҳужумчиси Энди Коул "қизил иблислар" ярим ҳимоячиси Бруно Фернандеш ҳақида қайғурди.

“Бу ҳолат ғалати кўринади. Роналду қайтганидан кейин Бруну Фернандешнинг бутун ўйини ўзгарди. Мен уни бутун мавсум кузатиб бораман. Роналду келганидан кейин Бруну ўтган йилгидек эмас. Сиз унга қарайсиз ва ўйлайсиз - нега? Унда тўғри хислатлар бор, у Роналдунинг жамоада борлиги ҳақида қайғурмаслиги керак, чунки иккаласи ҳам бир хил нарсани хоҳлайдиган жуда юқори савияли футболчилар. Аммо унинг ўйини Криштианунинг келиши билан ўзгарди ", - дейди Коул.

Бруну жорий Англия Премер-лигасида 18 та ўйинда майдонга тушиб, 5 та гол урди ва 3 та голли узатмани амалга оширди.