Дортмунднинг “Боруссия” клуби раҳбарлари норвегиялик футболчи Эрлинг Холандни жамоада олиб қолиш учун бор кучларини ишга солишмоқда.
“Todofichajes” нашрининг маълум қилишича, “асаларилар” футболчининг маошини жиддий равишда оширишга тайёр. Немис клуби Эрлингга йилига рекорд даражадаги 16 миллион евро таклиф қилишни режалаштирмоқда. “Боруссия” тарихида ҳеч бир футболчи бундай пул олмаган.
Холандга Европанинг бир қанча гигантлари даъвогарлик қилмоқда. “Реал”, “Барселона”, “Бавария” ва “Манчестер Сити” норвегиялик футболчини жамоасига таклиф қилмоқчи. Гигантлар ёзги трансфер ойнасида ҳужумчи учун “ов уюштириш”ни режалаштирмоқда.
21 ёшли ҳужумчи жорий мавсумда 11 ўйинда 13 та гол урди.
