Янги йилнинг биринчи ҳафтасида Бекободнинг “Металлург” жамоаси ўз таркибини янги ўйинчилар билан тўлдирмоқда. Ўз вақтида бекободликлар шарафини ҳимоя этган футболчилардан яна бири “Металлург”га қайтди. Забихилло Ўринбоев билан икки йиллик шартнома имзоланди.

Забихилло Ўринбоев 26 ёшда. 1995 йилнинг 30 март санасида Тошкент шаҳрида туғилган. Футболчилик фаолиятини “Бунёдкор” жамоасида бошлаган. “Олмалиқ”, “Пахтакор”, “Металлург” ва “Навбаҳор” жамоаларида ўйнаган. Элитада 134 та ўйинда майдонга чиққан. 7082 дақиқа тўп сурган. 11 та гол киритган. 10 та сариқ карточка билан жазоланган.

Забихилло Ўринбоев ёшлар ўртасида Осиё чемпиони (2018) бўлган. Ўзбекистон чемпиони (2013), вице чемпиони (2016). Ўзбекистон кубоги (2013) ва Суперкубоги (2014)соҳиби. Забихилло “Металлург”га эркин агент сифатида “Навбаҳор”жамоасидан келиб қўшилди.