“Ливерпуль” ҳимоячиси Натаниэль Филлипс “Уотфорд”нинг қизиқишлари доирасига тушган. Англиялик футболчи қишки трансфер ойнасида “Энфилд”ни тарк этиши кутилмоқда, “Ливерпул” Филлипс учун 14 миллион евро сўрамоқда, дея хабар беради “Football Insider” нашри.
24 ёшли Филлипс 2016 йилдан буён инглиз клубида тўп суради. Жорий мавсумда англиялик ҳимоячи барча турнирларда тўртта ўйинда майдонга тушиб, 224 дақиқа ўтказган. Филлипснинг шартномаси 2025 йилда тугайди, Трансфермаркт футболчини 8 миллион еврога баҳоламоқда.
“Ливерпуль” 20та ўйинда 42 очко тўплаган ҳолда турнир жадвалида учинчи ўринни эгаллаб турибди.
