“Ривер Плейт” ҳужумчиси Хулиан Альварес фаолиятини Италияда давом эттириши мумкин.
Бугун "Интер", "Милан" ва "Фиорентина" 21 ёшли форварднинг агенти билан музокара ўтказади, деб хабар беради журналист Николо Скира.
А Серия клублари мавсум охирида Альваресни сотиб олиш имкониятини кўриб чиқмоқда.
Шунингдек, "Манчестер Юнайтед" ва "Атлетико" бу ҳафтада ҳужумчининг агенти билан боғланишади.
Ҳозирча ҳеч бир клуб Альварес учун 25 миллион евро товон пули тўлашга тайёр эмас.
Футболчи Аргентинанинг чемпионатида 20 та ўйин ўтказиб, 18 та гол ва 6 та голли узатмани амалга оширган.
