“River Pleyt” hujumchisi Xulian Alvares faoliyatini Italiyada davom ettirishi mumkin.
Bugun "Inter", "Milan" va "Fiorentina" 21 yoshli forvardning agenti bilan muzokara o‘tkazadi, deb xabar beradi jurnalist Nikolo Skira.
A Seriya klublari mavsum oxirida Alvaresni sotib olish imkoniyatini ko‘rib chiqmoqda.
Shuningdek, "Manchester Yunayted" va "Atletiko" bu haftada hujumchining agenti bilan bog‘lanishadi.
Hozircha hech bir klub Alvares uchun 25 million yevro tovon puli to‘lashga tayyor emas.
Futbolchi Argentinaning chempionatida 20 ta o‘yin o‘tkazib, 18 ta gol va 6 ta golli uzatmani amalga oshirgan.
