Италия А сериясининг 20-туридан ўрин олган “Милан” ўз майдонида “Рома”ни қабул қилиб, 3:1 ҳисобида ғалаба қозонди. “Россонерлар”нинг голларидан бири пенальтидан киритилди ва ҳакам томонидан қўшиб берилган вақтда улар яна бир пенальтини голга айлантира олишмади. Бу ўтган мавсум бошидан бери қизил-қоралар томонидан тепилган 25-пенальти бўлди, дея хабар беради Squawka.
"Милан" А Серияда бир ярим мавсумда 25 та пенальти ишлаб, уларнинг 76 фоизини голга айлантирди. Франк Кессьер 16 марта "нуқта"дан зарба берди - 13 гол. Златан Ибраҳимович ҳисобига 6 та пенальти - 3 таси амалга оширилди. Оливе Жиру иккита пенальти тепди - иккаласи ҳам гол билан якунланди. Хоқон Чалханўғли ҳам бир марта пенальтини аниқ амалга ошириб, уни голга айлантирди.
Эслатиб ўтамиз, Италия чемпионатининг жорий мавсумида 20 турдан сўнг “Милан” 45 очко жамғариб, турнир жадвалида 2-ўринни эгаллаб турибди.
