Халқаро футбол федерацияси (ФИФА) “Йилнинг энг яхши футболчиси” соврини учун энг яхши уч нафар номзодни эълон қилди.
Мукофот учун “Бавария”нинг польшалик ҳужумчиси Роберт Левандовски, “Ливерпуль” вингери Муҳаммад Салоҳ ва “Пари Сен-Жермен”нинг аргентиналик футболчиси Лионель Месси кураш олиб боради. 17 январь куни “The Best” тақдирлаш маросими бўлиб ўтади.
Аввалроқ ФИФА ўзининг расмий сайтида йилнинг энг чиройли голини киритган футболчига бериладиган Ференц Пушкаш мукофотига номзодлар рўйхатини эълон қилган эди. 2021 йилнинг энг чиройли голи учун совринга чехиялик ҳужумчи Патрик Шик, “Порту” футболчиси Меҳди Тареми ва “Тоттенхэм”нинг собиқ футболчиси Эрик Ламела даъвогарлик қилмоқда.
