Италия бош вазири Марио Драги А Cерияга таъсир кўрсатаётган Covid билан боғлиқ вазият юзасидан муносабат билдирди.
Кеча бўлиб ўтиши керак бўлган 10 та ўйиндан тўрттаси ўтказилмади, «Болонья» - «Интер» ва «Аталанта» - «Торино» каби ўйинлар жамоалар ичида Covid тарқалиши сабабли қолдирилган.
Calciomercato хабарига кўра, Драги вазиятдан қаттиқ хавотирда. Унинг фикрича, энг кўп кўтарилган муаммолардан бири кўпчилик мухлисларнинг стадион ичида ниқоб тақмасликларидир. У, шунингдек, клублар бунга кўз юмаётганидан норози ва шунинг учун ишлар бундай давом этмаслигини таъкидлади.
Бироқ А Серия мавсумни тўхтатиш ниятида эмас ва улар ёпиқ тарзда ўйнашга қайтишни хоҳламайдилар, яъни стадионга мухлислар киритилишидан манфаатдор.
