"Крузейро" 41 ёшли дарвозабон Фабио билан шартномани бекор қилишга қарор қилди. Ушбу дарвозабон 17 йилдан бери жамоа шарафини ҳимоя қилиб келаётган эди.

Мазкур қарор жамоа мухлисларини ғазаблантирди ва клубнинг янги хўжайини Роналдога ўз эътирозларини билдиришди.  Бир гуруҳ фанатлар "Крузейро" қароргоҳи яқинида тўпланишди ва афсонавий дарвозабонни қўллаб-қувватлаб, раҳбариятни танқид қилишди.

Шунингдек, улар Роналдонинг "Instagram"даги саҳифасига "ҳужум" уюштиришди. Улар: "Фабио сендан кўра бизга қадрлироқ", "сен буюк футболчини ҳайдадинг", "уни ҳурмат қил", "мухлислар сени қўллаб-қувватламайди", дея ёзишди.