“Монако”нинг собиқ бош мураббийи Нико Ковач фаолиятини Туркияда давом эттириши мумкин, деб хабар беради “Fanatik” нашри.
Манбага кўра, хорватиялик мутахассиснинг хизматларига “Фенербахче” қизиқиш билдирмоқда. Маълум бўлишича, Ковач турк клубининг таклифини кўриб чиқишга тайёр. Томонлар тез орада музокара ўтказиши кутилмоқда.
Эслатиб ўтамиз, “Монако” Ковачни истеъфога чиқарганини 1 январь куни эълон қилган эди. Хорватиялик мутахассис 2020 йилнинг ёзида жамоани қабул қилиб олганди. Шунингдек, мутахассис бундан олин Мюнхеннинг “Бавария” клубида ҳам фаолият олиб борган.
