“Манчестер Сити”нинг собиқ футболчиси Тревор Синклер “Манчестер Юнайтед” натижаларига Криштиану Роналдунинг таъсири ҳақида гапирди. 

“Мен “Манчестер Сити” Роналдуни қўлга киритмагани учун катта муаммони четлаб ўтди деб ўйлайман. Қаранг, “Манчестер Юнайтед”нинг қанча футболчиларида муаммолар бор – Санчо, Рэшфорд.

Сиз ўз жойингизни билишингиз керак. Сиз футболчисиз, клуб сизга пул тўлайди. Баъзан жим юришни ҳам билишингиз керак.

Менимча, Криштиану жамоа учун жуда кўп муаммоларни яратади. Гап унинг сўнгги ўйинларда кам гол уришида эмас, Сульшер кетгач, Каррик келди ва бир ўйиндан кейин Роналдуни захирада қолдирди.

Менимча, бу қоғозда ажойиб кўринадиган, аммо амалда унчалик яхши бўлмаган трансферлардан бири”, - деди Синклер.