“Manchester Siti”ning sobiq futbolchisi Trevor Sinkler “Manchester Yunayted” natijalariga Krishtianu Ronalduning ta’siri haqida gapirdi. 

“Men “Manchester Siti” Ronalduni qo‘lga kiritmagani uchun katta muammoni chetlab o‘tdi deb o‘ylayman. Qarang, “Manchester Yunayted”ning qancha futbolchilarida muammolar bor – Sancho, Reshford.

Siz o‘z joyingizni bilishingiz kerak. Siz futbolchisiz, klub sizga pul to‘laydi. Ba’zan jim yurishni ham bilishingiz kerak.

Menimcha, Krishtianu jamoa uchun juda ko‘p muammolarni yaratadi. Gap uning so‘nggi o‘yinlarda kam gol urishida emas, Sulsher ketgach, Karrik keldi va bir o‘yindan keyin Ronalduni zaxirada qoldirdi.

Menimcha, bu qog‘ozda ajoyib ko‘rinadigan, ammo amalda unchalik yaxshi bo‘lmagan transferlardan biri”, - dedi Sinkler.