ПСЖ ҳужумчиси Мауро Икарди Туриннинг “Ювентус” клубида ижара асосида ўйнамоқчи эмас. “Gazzetta dello Sport” нашри хабарига кўра, аргентиналикнинг рафиқаси Ванда Нара тўлиқ трансфер вариантини кўриб чиқишга тайёр, уни ижара таклифлари қониқтирмаяпти.
Икардида “Ювентус”дан ташқари фаолиятини Англияда давом эттириш имконияти бор. ОАВ хабарига кўра, “Манчестер Юнайтед” Маурони Криштиану Роналдуга шерик сифатида кўрмоқда.
ПСЖ қишда ҳужумчи билан хайрлашишга тайёр ва потенциал харидорлардан таклифларни кутмоқда. Футболчининг бозор нархи 28 миллион еврога баҳоланмоқда. Унинг парижликлар билан шартномаси 2024 йилгача мўлжалланган.
