“Барселона” бош мураббийи Хави Эрнандеснинг айтишича, клуб жамоанинг ёш юлдузлари билан шартномаларни янгилаш устида ишламоқда. Аввалроқ “Ливерпуль” Гавининг маошини 50 баробар оширишга тайёрлиги ҳақида хабар берилганди.
“Бу биз яқин келажакда қабул қиладиган қарор. Гави, ва Нико - клубимизнинг келажаги. Гави - асосий таркиб футболчиси. Унинг ўринбосарлар таркибида ўйнашининг аҳамияти йўқ. Никода ҳам вазият шундай. Абду [Эззалзули] ҳақида ҳам савол бор... Айни дамда у жамоа учун жуда муҳим футболчи. Уларнинг биринчи таркибда ўйнаши тўғри бўларди, аммо маош чегарасини ҳисобга олишимиз керак”, - деди Хави.
