Лондоннинг “Тоттенхэм” клуби ҳужумчиси Стивен Бергвейн қишки трансфер ойнасида жамоани тарк этади. Голландиялик футболчининг хизматларига бир қанча клублар қизиқиш билдирмоқда. Бу ҳақда журналист Фабрицио Романо твиттерда хабар берди.

Манбанинг хабарига кўра, Бергвейн учун аллақачон таклиф билан чиққан жамоалар орасида футболчининг тўлиқ трансферига қизиқаётган “Аякс” ҳам бор. Бироқ томонлар битим бўйича ҳалигача келишмаган.

Бергвейн 2020 йилнинг январь ойида ПСВдан 30 миллион евро эвазига “Тоттенхэм”га ўтган эди. Бу мавсумда голландиялик футболчи жорий мавсумда барча мусобақаларда 12 ўйинда битта гол урди ва иккита голли узатмани амалга оширди. Бергвейннинг шартномаси 2025 йилда тугайди, Трансфермаркт футболчининг бозор нархини 18 миллион еврога баҳоламоқда.