“Рома” бош мураббийи Жозе Моуриньо “Ювентус”га қарши ўйин ҳақидаги таассуротлари билан ўртоқлашди."Бўрилар" мазкур баҳснинг иккинчи бўлимида 2та тўп фарқи билан олдинда бораётиб, 7 дақиқа ичида ўз дарвозаларидан 3та тўп ўтказиб юборишди ва мағлубият аламини тортишди. Боз устига, "Рома" сўнгги дақиқаларда пенальтидан фойдалана олмади.

“Биз тактик жиҳатдан яхши ҳаракат қилдик, 70 дақиқа давомида ажойиб ўйин бўлди. Кейин жамоада психологик инқироз юз берди. Бу мени қийнаб келмоқда, бу йил кучли рақиблар билан беллашишимиз қийин. Жамоага шунчаки майдонда ҳиссиётларни бошқаришни биладиган футболчилар етишмаяпти. Афена-Гьян ўрнига Шомуродовни туширганимиздан сўнг, жамоа тушунарсиз ўйин кўрсатди ва дарҳол гол ўтказиб юбордик. Мен футболчилар менталитетига мослашмаслигим керак, аксинча уларнинг менинг йўналишимга тушишлари керак”, - дея Моуриньо сўзларидан келтиради журналист Жанлука ди Марцио.