“Roma” bosh murabbiyi Joze Mourinyo “Yuventus”ga qarshi o‘yin haqidagi taassurotlari bilan o‘rtoqlashdi."Bo‘rilar" mazkur bahsning ikkinchi bo‘limida 2ta to‘p farqi bilan oldinda borayotib, 7 daqiqa ichida o‘z darvozalaridan 3ta to‘p o‘tkazib yuborishdi va mag‘lubiyat alamini tortishdi. Boz ustiga, "Roma" so‘nggi daqiqalarda penaltidan foydalana olmadi.
“Biz taktik jihatdan yaxshi harakat qildik, 70 daqiqa davomida ajoyib o‘yin bo‘ldi. Keyin jamoada psixologik inqiroz yuz berdi. Bu meni qiynab kelmoqda, bu yil kuchli raqiblar bilan bellashishimiz qiyin. Jamoaga shunchaki maydonda hissiyotlarni boshqarishni biladigan futbolchilar yetishmayapti. Afena-Gyan o‘rniga Shomurodovni tushirganimizdan so‘ng, jamoa tushunarsiz o‘yin ko‘rsatdi va darhol gol o‘tkazib yubordik. Men futbolchilar mentalitetiga moslashmasligim kerak, aksincha ularning mening yo‘nalishimga tushishlari kerak”, - deya Mourinyo so‘zlaridan keltiradi jurnalist Janluka di Marsio.
