Лондоннинг "Тоттенҳэм" клуби жамоанинг хорватиялик ярим ҳимоячиси Лука Модрични жамоада олиб қолиш учун ҳаракатларни бошлаб юборган.
Маълумотларга қараганда, "Шпорлар" ёзда Модричга йилига 7 миллион евролик маош кўзда тутилган янги шартнома таклиф қилишни мақсад қилган.
Хорватиялик 24 ёшли ярим ҳимоячи учун "Челси" ва "Манчестер Юнайтед" клублари жиддий равишда қизиқиш билдирмоқда. Айниқса "Челси" футболчини қўлга киритиш учун анчадан бери ҳаракат қилмоқда.
"Тоттенҳэм" эса ўзининг асосий футболчиларидан бирини қўйиб юбориш ниятида эмас. Лука Модричнинг ўзи ўз шартномасини узайтиришга шошилмаётганлигини айтди. Сабаби, ёзда жамоа мураббийлар штабида ўзгаришлар бўлиши кутилмоқда. Айнан ман шу ўзгаришлар, футболчининг келажаги учун муҳим омил бўлиши мумкин. Сабаби, агар Ҳарри Реднапп ёзда жамоадан кетадиган бўлса, Модрич шартномасини узайтирмаслигини маълум қилган. Реднапп эса Англия терма жамоаси бош мураббийлигига асосий номзод бўлиб турибди.
