ПСЖ ҳужумчиси Килиан Мбаппе Франция терма жамоасида бирга тўп сураётган "Реал" форварди Карим Бензема ҳақида ўз фикрлари билан ўртоқлашди.

“У ҳозир бошидан кечираётган ҳамма нарсага лойиқ. Бензема – ажойиб ўйинчи, у "Реал Мадрид" тарихида ўз изини қолдиришга эришди.

Шунингдек, Карим Франция терма жамоасига ҳам қайтди. Биз унинг қайтганидан жуда хурсандмиз”, – деди Килиан "TF1"га берган интервьюсида.

Маълумот учун, Бензема "Реал Мадрид" сафида 584 та ўйинда 301 та гол ва 152 та голли узатмани амалга оширган ва клуб билан 19 та соврин, жумладан, 4 таси Чемпионлар лигасида ғалаба қозонган.