Хабар қилинишича, "Реал Мадрид" Дортмунднинг "Боруссия" клуби вундеркинди Жованни Рейнани ёзда жамоа сафига қўшиб олишни режалаштирган.
Fichajes хабарига кўра, "Реал Мадрид" америкалик Жованни Рейнага қизиқиш билдирмоқда ва ҳужумкор ярим ҳимоячининг трансфери устида иш олиб бормоқда.
Англиянинг Дурҳам шаҳрида туғилган Рейна АҚШдаги футбол саёҳатини "Нью-Йорк Сити" академияси билан бошлаган. Ёш футболчи 2019 йилда Дортмунд клуби билан шартнома имзолаб, Европага қайтган. Жио Рейна 2020 йил бошида Сигнал Идуна Парк эгаларининг асосий таркибидан жой олган.
Хавбек шу кунгача “асаларилар” сафида 69 ўйинда майдонга тушиб, 10 та гол урган ва 11 та голли узатмани амалга оширган.
