"Райо Вальекано" дарвозабони Столе Димитриевски "Барселона"га ўтишга яқин турибди, дея хабар берди "Ekipa" нашри.
Маълум бўлишича, томонлар келишув шартлари бўйича келишиб олган, 28 ёшли футболчи ҳам Каталония клуби билан шартнома бўйича келишиб олган. Шунингдек у клубдаги жамоадошлари билан хайрлашиб улгурган.
Димитриевски ўтган якшанба куни "Бетис"га қарши ўйинда жамоа қайдномасига киритилмади. Бунга дарвозабоннинг соғлиғида муаммо борлиги кўрсатилган, бироқ аслида у "Барселона"га ўтиш жараёнида бўлганлиги хабар қилинганди.
Димитриевски жорий мавсумда Ла Лигада 18 та ўйин ўтказиб, 14 та гол ўтказиб юборди. У еттита ўйинда ўз дарвозаси дахлсизлигини сақлаб қолган. Столе Шимолий Македония терма жамоасининг асосий дарвозабони ҳисобланади.
