"Rayo Valyekano" darvozaboni Stole Dimitriyevski "Barselona"ga o‘tishga yaqin turibdi, deya xabar berdi "Ekipa" nashri.
Ma’lum bo‘lishicha, tomonlar kelishuv shartlari bo‘yicha kelishib olgan, 28 yoshli futbolchi ham Kataloniya klubi bilan shartnoma bo‘yicha kelishib olgan. Shuningdek u klubdagi jamoadoshlari bilan xayrlashib ulgurgan.
Dimitriyevski o‘tgan yakshanba kuni "Betis"ga qarshi o‘yinda jamoa qaydnomasiga kiritilmadi. Bunga darvozabonning sog‘lig‘ida muammo borligi ko‘rsatilgan, biroq aslida u "Barselona"ga o‘tish jarayonida bo‘lganligi xabar qilingandi.
Dimitriyevski joriy mavsumda La Ligada 18 ta o‘yin o‘tkazib, 14 ta gol o‘tkazib yubordi. U yettita o‘yinda o‘z darvozasi daxlsizligini saqlab qolgan. Stole Shimoliy Makedoniya terma jamoasining asosiy darvozaboni hisoblanadi.
