Манчестердаги "Олд Траффорд" стадионида Англия кубоги 1/32 финал босқичи доирасида "Манчестер Юнайтед" "Астон Вилла"ни қабул қилди. Мезбонлар ғалаба қозонишди - 1:0.

"Манчестер Юнайтед" бош мураббийи Ралф Рангник жамоасининг ўйини ҳақида фикр билдирди.

"Биз "Вулверхемптон"дан учралган мағлубиятдан сўнг хулоса чиқаришга муваффақ бўлдик, буни ҳамма биздан кутганди. “Астон Вилла”га қарши ўйнаш қийин бўлишини билардик. Биринчи бўлимда биз яхши ўйнадик.

Учрашувнинг иккинчи бўлимида асосан қарши ҳужумларда ўйнадик ва айрим эпизодларда яхшироқ ҳаракат қилишимиз мумкин эди. Вақти-вақти билан нотўғри қарорлар қабул қилдик, аммо ярим ҳимоядаги таркибни тикладик ва ўйинни яхшироқ назорат қила бошладик.

Сўнгги 20 дақиқада вазиятни янада кўпроқ назорат қилдик ва жамоавий ўйин кўрсатдик. Биз яхши ғалабага эришдик ва турнирнинг кейинги босқичига йўл олдик", - дейди Рангник BBC Sportга.