«Манчестер Юнайтед» ҳужумчиси Криштиану Роналду «ПСЖ» футболчисига айланиши мумкин, дея хабар бермоқда Le 10 Sport. Ҳужумчи Килиан Мбаппе Париж клубини тарк этишга яқин турибди, шу боис раҳбарият таркибни кучайтириш вариантларини қидирмоқда. Манбанинг хабарига кўра, агар Роналду инглизлар жамоасини тарк этиш истагини билдирса, «ПСЖ» чора кўришга тайёр.
Олдинроқ португалиялик форвард жамоадаги вазиятдан ва «Манчестер Юнайтед» раҳбариятидан норози экани малум бўлганди. Роналду ўзининг агенти Жорже Мендесга вазият ўзгармаса, янги жамоа излаш кераклигини айтди.
