ПСЖ ёзда эркин агентга айланиши мумкин бўлган “Манчестер Юнайтед” яримҳимоячиси Поль Погбани ўз сафига қўшиб олмоқчи.
“L’Équipe” нашрининг ёзишича, парижликлар футболчига жиддий қизиқиш билдиришмоқда. Шунингдек, Погба фаолиятини “Реал” ёки “Ювентус”да давом эттириши эҳтимоли бор.
Қайд этилишича, Погба “Манчестер Юнайтед”да қолмоқчи эмас. У бош мураббий Ральф Рангникнинг сўзларидан ҳафсаласи пир бўлди, у яримҳимоячининг келажаги ҳақидаги саволга жавоб берар экан: “Мен “Манчестер Юнайтед”да ўйнашни истамайдиган одамни ишонтиришга асос кўрмаяпман”, деган гапни айтган.
Ҳозир франциялик жароҳат олган, у ноябрь ойи бошида миллий терма жамоа лагерида сонидан жароҳат олган эди. Унинг тикланиши кечикди, шунинг учун Погба 4-5 ҳафтадан кейин машғулотларга қайтади.